Monday, November 16, 2009



Tu hi tha Takdeer…. Tu hi to tha Pahchaan meri….
Tu jo gaya , sab mit gaya , Tu nahi to kuch bhi nahi…..
Bheege Sapne … Sookhi yaaden hain banjar dil me ab mehman meri…!!

Manjil laapta hai …. Sab khwaab So gaye hain….
Tere sang jin raaston pe chala tha…. Vo raaste jane kahan kho gaye hain…!!

Sochta hun kya kho diya tha us ek lamhe me …
Ke zindagi bahut berang nazar aati hai….
Tanha bhatak raha hun…. logon ki bheed me…..
Vo raat teri judaai ki…. Aaj bhi aankhon ko chalka jati hai…!!

Pyaar bhut hai mujhe tumse …Kaise tujhko Samjhaun…
Bas raat din yahi sochta hun…..
Magar jaanta hun anjaam…shayad tabhi Zindagi jeene se darta hun…!!

Kash ke mere aansuon ka dard tu samjh pata….
Kitni bojhal hain saanse…ye ehsaas main tujhe kabhi dila pata….!!

Alfaaz nahi milte…aur shabad bhi kam pad jate hain…..
Is dard ko bayan karne ke liye ..
Aakhir me sirf Aansu hi rah jate hain…!!

Tanhaai me tere saaye se poochta hun aksar….
Andheron mein apne sawaalon ke jawab dhundhta hun main aksar…
Kya Gunaah tha mera ..jiski saja ye thi….
Maine to teri Judaai se pahle…Apni Maut ki Dua ki thi…!!

Zindagi me ab kuch khone ko nahi raha siva Zindagi ke….
Tu hi to tha jise manga maine apni har bandagi mein….
Par jo mango …vo mila kisko kab hai…..
Annkhen pahle bhi Namm thi….aur aaj bhi namm hain….!!

- Parul Bhatnagar (16 Nov-09)

1 comment:

  1. This comment has been removed by a blog administrator.

    ReplyDelete